Donkerbroek

De boat van Sinterklaas

Tomke stiet by de haven.
Mei Kornelia en Romke.
It is dêr drok!
Alle bern wolle Sinteklaas sjen.
Toet, toet, giet it ynienen.
Ik sjoch de stoomboat al, ropt Tomke.
Sinteklaas swaait nei ús!
Eefkes letter leit de boat stil.
Sinteklaas rint oer in brede planke.
Alle bern begjinne te sjongen.
Tomke sjocht nei de stoomboat.
Wat is dy boat grut.
Ik wol yn de boat sjen, seit Tomke.
Dat mei net, seit Kornelia.
Dy boat is foar de pakjes.
En de pipernuten.
Sinteklaas klimt op in wyt hynder.
Alle bern sjogge der nei.
Kornelia ek, mar… Tomke net!
Hij wrot tusken de minsken troch.
Nei de planke fan de boat.
Hastich stapt er oer de planke.
Kornelia sjocht om har hinne.
Romke, wêr is Tomke?
Wit ik net, seit Romke.
Kornelia wurdt ûngerêst.
Miskien is Tomke wol yn it wetter fallen!
Romke! Sykje Tomke! ropt se.
Snuf, snuf, docht de snút fan Romke
op e grûn.
Ja, dêr hat er al in spoar.
It spoar giet nei de boat fan Sinteklaas.
Romke draaft de planke oer.
Pats! Tsjin in Swarte Pyt oan.
Sykje jim in wyt Pytsje?
Mei trije hierkes? laket de Swarte Pyt.
Hy wiist nei it dek.
En wa sit dêr ?
Mei in hânfol pipernuten? Tomke!
Kornelia! ropt Tomke bliid.
Ik ha de boat fan Sinteklaas sjoen!
En witsto wat? As ik letter grut bin…
dan wurd ik kapitein op de stoomboat!